അനന്തരാവകാശം ഒരു വിശകലനം
ഇസ്‍ലാമിക ശരീഅത്തിൽ വളരെ സങ്കീര്‍ണമായ ഒരു വിജ്ഞാന ശാഖയാണ് അനന്തരാവകാശ നിയമങ്ങള്‍ പ്രതിപാദിക്കുന്ന علم الفرائض. താഴെ പറയുന്ന നബി വചനങ്ങള്‍ ഇതിന്‍റെ പ്രാധാന്യത്തെ വിളിച്ചോതുന്നു.
നിങ്ങള്‍ فرائض പഠിക്കുകയും പഠിപ്പിക്കുകയും ചെയ്യുക. കാരണം അത് വിജ്ഞാനത്തിന്റെ പകുതിയാണ്.
നിങ്ങള്‍ فرائض പഠിക്കുകയും പഠിപ്പിക്കുകയും ചെയ്യുക. കാരണം ഞാന്‍ മരണപ്പെടുന്ന വ്യക്തിയാണ്. ഈ വിജ്ഞാനവും പിടിക്കപ്പെടും. കുഴപ്പങ്ങള്‍ പ്രത്യക്ഷപ്പെടുകയും ചെയ്യും. രണ്ടാളുകള്‍ അനന്തരാവകാശത്തിന്റെ കാര്യത്തില്‍ അഭിപ്രായ വ്യത്യാസമുള്ളവരാവുകയും ചെയ്യും. അപ്പോള്‍ അവരുടെ കാര്യത്തില്‍ വിധി പറയാന്‍ ആളെ എത്തിക്കുകയില്ല
മറ്റു വിജ്ഞാനങ്ങളെ അപേക്ഷിച്ച് അനന്തരാവകാശം വളരെ സങ്കീര്‍ണ്ണവും അതിലെ കണക്കുകള്‍ ഗണിച്ചെടുക്കാന്‍ ഏറ്റവും ബുദ്ധിമുട്ടേറിയതുമാണ്. മൊത്തത്തില്‍ 27 വകുപ്പിലെ അവകാശികള്‍ ഉണ്ട്. അവരില്‍ 7 അവകാശികള്‍ (എണ്ണമാവാത്തവര്‍) ഒന്നു മാത്രം വരുന്നവരും മറ്റുള്ളവര്‍ എത്ര പേര്‍ വീതവും വരാവുന്നതാണ്. (അവകാശികളെ കുറിച്ച് പിന്നീട് വിവരിക്കുന്നുണ്ട്)
നിശ്ചിത എണ്ണം (n) അംഗങ്ങളുള്ള ഒരു ഗണത്തിലെ സാധ്യമായ ഉപഗണങ്ങള്‍ എത്ര എണ്ണം എന്ന് കണ്ടെത്താനുള്ള സൂത്രവാക്യം (2n) എന്നാണല്ലോ, ഇതു പ്രകാരം 27 കൂട്ടരില്‍ നിന്ന് എണ്ണമാവാത്ത രീതിയില്‍ പരിഗണിച്ചാല്‍ തന്നെ അവകാശികള്‍ വരാനുള്ള സാദ്ധ്യത പതിമൂന്ന് കോടി നാല്‍പത്തി രണ്ട് ലക്ഷത്തി പതിനേഴായിരത്തി എഴുനൂറ്റി ഇരുപത്തി ഏഴ് (134217727) വരും. അവകാശികളെ എണ്ണമാവുന്ന അവസ്ഥ പരിഗണിച്ചാല്‍ നമുക്ക് ചിന്തിക്കാന്‍ കഴിയാത്ത അത്രയും സാദ്ധ്യതകള്‍ വരും.
20 അവകാശികളെ രണ്ട് വീതവും എണ്ണമാവാത്ത 7 പേരെ ഓരോന്ന് വീതവും പരിഗണിച്ചാല്‍ 47(20x2+7) പേര്‍ വരും. അവരുടെ സാധ്യത എടുത്താല്‍ കോടി കോടിയിലേറെ (140737488355327) വരും.
ഇത്രയും പറഞ്ഞത് ഇസ്‍ലാമിക അനന്തരാവകാശ ശാസ്ത്രത്തിന്‍റെ വ്യാപ്തിയും പ്രത്യേകതയും മനസ്സിലാക്കാന്‍ വേണ്ടിയാണ്. ഏത് മസ്‍അലകളും വളരെ കൃത്യതയോടെയും ഈ സോഫ്റ്റ്‍വെയറില്‍ ഉള്‍ക്കൊള്ളിച്ചിരിക്കുന്നു الحمد لله.
അവകാശികള്‍
അവകാശികള്‍ 27 ഇനത്തില്‍ പെട്ടവരാണുള്ളത്. അതില്‍ 20 പേര്‍ എണ്ണമാവുന്നവരും 7 പേര്‍ എണ്ണമാവാത്ത ഓരോന്ന് മാത്രം വരുന്നവരുമാണ്.
എണ്ണമാവുന്ന 20 പേരെ വേറെയും എണ്ണമാവാത്തവരെ വേറെയുമാണ് ഈ സോഫ്റ്റ്‍വെയറില്‍ ക്രമീകരിച്ചിരിക്കുന്നത്.
എണ്ണമാവുന്ന 20 പേരെ വേറെയും എണ്ണമാവാത്തവരെ വേറെയുമാണ് ഈ സോഫ്റ്റ്‍വെയറില്‍ ക്രമീകരിച്ചിരിക്കുന്നത്.
എണ്ണമാവുന്ന അവകാശികള്‍
1) മകന് (2) മകള്‍ (3) മകന്‍റെ മകന് (4) മകന്‍റെ മകള്‍ (5) മകന്‍റെ മകന്‍റെ മകന് (6) മകന്‍റെ മകന്‍റെ മകള്‍ (7) ഭാര്യ (8) സഹോദരന്‍ (മാതാവും പിതാവും ഒത്ത) (9) സഹോദരി (മാതാവും പിതാവും ഒത്ത) (10) പിതാവൊത്ത സഹോദരന്‍ (11) പിതാവൊത്ത സഹോദരി (12) മാതാവൊത്ത സഹോദരന്‍ (13) മാതാവൊത്ത സഹോദരി (14) പിതാവിന്‍റെ ഉമ്മ (15) സഹോദര പുത്രന്‍ (മാതാവും പിതാവും ഒത്ത) (16) പിതാവൊത്ത സഹോദരന്‍റെ പുത്രന്‍ (17) പിതൃസഹോദരന്‍ (മാതാവും പിതാവും ഒത്ത) (18) പിതാവൊത്ത പിതൃസഹോദരന്‍ (19) പിതൃസഹോദര പുത്രന്‍ (മാതാവും പിതാവും ഒത്ത) (20) പിതാവൊത്ത പിതൃസഹോദര പുത്രന്‍.
എണ്ണമാവാത്ത അവകാശികള്‍
1) പിതാവ് (2) മാതാവ് (3) ഭര്‍ത്താവ് (4) പിതാമഹന്‍ (പിതാവിന്‍റെ പിതാവ്) (5) പിതാമഹി (പിതാവിന്‍റെ മാതാവ്) (6) മോചിപ്പിച്ചവന്‍ (7) മോചിപ്പിച്ചവള്‍
മേല്‍ പറയപ്പെട്ടവരില്‍ ചില ആളുകളെ കുറിച്ച് അല്‍പം വിശദീകരണം ആവശ്യമാണ്. ചിലര്‍ ഉണ്ടായത് കൊണ്ട് മറ്റു ചിലര്‍ക്ക് ഓഹരി ലഭിക്കാതെ വരും. അഥവാ അവരെ തടയപ്പെടും. ഉദാഹരണമായി മകന് ഉണ്ടെങ്കില്‍ മകന്‍റെ മകന്, സഹോദരന്‍ മുതലായ പലരും തടയപ്പെടും. ഇപ്രകാരം തടയപ്പെട്ടവരാണെങ്കില്‍ അവരെ, സോഫ്റ്റ്‍വെയറില്‍ പുരുഷന്‍മാരാണെങ്കില്‍ MAHJOOB എന്നും സ്ത്രീകളെങ്കില്‍ MAHJOOBATH എന്നും സൂചിപ്പിക്കും. അനന്തരാവകാശ ശാസ്ത്രത്തിലെ ഒരു സാങ്കേതിക പദമാണിത്. യഥാക്രമം തടയപ്പെട്ടവന്‍, തടയപ്പെട്ടവള്‍ എന്നാണ് ഇതു കൊണ്ട് അര്‍ത്ഥമാക്കുന്നത്.
അതുപോലെ ചില സന്ദര്‍ഭങ്ങളില്‍ ചിലര്‍ക്ക്, ബാക്കിയില്ലാത്തതിന്‍റെ പേരില്‍ ഓഹരി ലഭിക്കാതെ വരും. ആ അവസരങ്ങളില്‍ NO BALANCE എന്നായിരിക്കും സോഫ്റ്റ്‍വെയറില്‍ അവര്‍ക്ക് നേരെ സൂചിപ്പിക്കുക. മറ്റുള്ളവര്‍ക്ക് കൊടുത്തതിന് ശേഷം ബാക്കിയില്ല, അതുകൊണ്ട് ഇവര്‍ക്ക് ലഭിക്കാതെ വന്നു എന്നാണിതിനര്‍ത്ഥം. അവര്‍ മറ്റാരെങ്കിലും കൊണ്ട് തടയപ്പെടുന്നത് കൊണ്ടല്ല. ഉദാഹരണമായി ഒന്നില്‍ കൂടുതല്‍ മകള്‍, പിതാവ്, ഉമ്മ, അവരോടു കൂടെ മകന്‍റെ മകന് വന്നാല്‍ മകന്‍റെ മകന്ന് ഓഹരി ലഭിക്കുകയില്ല. അവിടെ NO BALANCE എന്ന് കാണിക്കും. മകള്‍, പിതാവ്, ഉമ്മ ഇവരില്‍ ആരും മകന്‍റെ മകനെ തടയുകയില്ല. അതുകൊണ്ട് മകന്‍റെ മകന് MAHJOOB ആവുകയില്ല, മറിച്ച് NO BALANCE ആണ് വരിക.
മകളുടെ ഓഹരി 2/3-ഉം പിതാവ്, ഉമ്മ എന്നിവരുടേത് 1/6 വീതവും വരും. അവരുടെ ഓഹരി കൂട്ടിയാല്‍ തന്നെ ഓഹരി ചെയ്യപ്പെടുന്ന സ്വത്ത് കഴിയും. അപ്പോള്‍ മകന്‍റെ മകന് ഒന്നും ബാക്കിയുണ്ടാവില്ല.
കിതാബില്‍ കാണുന്ന ساقط എന്ന പ്രയോഗമാണ് സോഫ്റ്റ്‍വെയറില്‍ NO BALANCE എന്ന് കാണിക്കുന്നത്.
കിതാബില്‍ കാണുന്ന ساقط എന്ന പ്രയോഗമാണ് സോഫ്റ്റ്‍വെയറില്‍ NO BALANCE എന്ന് കാണിക്കുന്നത്.
മകന്‍റെ മകന്‍റെ മകന് എന്നതില്‍ അവന്‍റെ താഴെ ആ പദവിയില്‍ എത്ര താഴോട്ട് ഇറങ്ങിയ മകന്‍റെ മകനും ഉള്‍പ്പെടും. ഉദാഹരണമായി മകന്‍റെ മകന്‍റെ മകന് ഇല്ലാത്തിടത്ത് മകന്‍റെ മകന്‍റെ മകന്‍റെ മകന് മേല്‍ സ്ഥാനത്ത് വരും. അപ്രകാരം മകന്‍റെ മകന്‍റെ മകള്‍ എന്നതില്‍ അവളുടെ താഴെയുള്ള മകന്‍റെ മകന്‍റെ മകന്‍റെ മകള്‍ വരും.
മകന് ഇല്ലാത്ത അവസരത്തില്‍ മകന്‍റെ മകന്, മകന്‍റെ മകന്‍റെ മകന്, മകന്‍റെ മകന്‍റെ മകന്‍റെ മകന് എന്നിവര്‍ വന്നാല്‍ മകന്‍റെ മകനെ, മകന്‍റെ സ്ഥാനത്തും മകന്‍റെ മകന്‍റെ മകന്‍റെ മകനെ, മകന്‍റെ മകന്‍റെ സ്ഥാനത്തും മകന്‍റെ മകന്‍റെ മകന്‍റെ മകനെ, മകന്‍റെ മകന്‍റെ മകന്‍റെ സ്ഥാനത്തും വെച്ച് കണക്ക് കൂട്ടാവുന്നതാണ് (സോഫ്റ്റ്‍വെയറില്‍). ഇപ്രകാരം തന്നെ മകന്‍റെ മകന്‍റെ മകന്‍റെ മകള്‍ വന്നാല്‍ മകന്‍റെ മകന്‍റെ മകളുടെ സ്ഥാനത്ത് വെച്ച് പരിഗണിച്ചാല്‍ മതി (മകള്‍ ഇല്ലാത്തിടത്ത്).
സഹോദരന്‍റെ പുത്രന്‍, പിതാവൊത്ത സഹോദരന്‍റെ പുത്രന്‍, പിതൃസഹോദര പുത്രന്‍, പിതാവൊത്ത പിതൃസഹോദരന്‍റെ പുത്രന്‍ എന്നിവരെയും മേല്‍ പറഞ്ഞ പ്രകാരം മനസ്സിലാക്കേണ്ടതാണ്. ഉദാഹരരമായി സഹോദരന്‍ ഇല്ലാത്ത അവസരത്തില്‍ സഹോദരന്‍റെ മകനും, സഹോദരന്‍റെ മകന്‍റെ മകനും വന്നാല്‍ സഹോദരന്‍റെ മകനെ സഹോദരന്‍ എന്ന ബട്ടണ്‍ ഉപയോഗിച്ചും സഹോദരന്‍റെ മകന്‍റെ മകനെ സഹോദരന്‍റെ മകന്‍റെ ബട്ടണ്‍ ഉപയോഗിച്ചും മാര്‍ക്ക് ചെയ്ത് കണക്ക് കൂട്ടേണ്ടതാണ്. സഹോദരന്‍ ഉള്ള അവസരത്തില്‍ അവന്‍റെ മകനോ അവന്‍റെ മകന്‍റെ മകനോ ഓഹരി ലഭിക്കുകയില്ല. കിതാബുകളില്‍ മേല്‍ പറയപ്പെട്ട അവസരങ്ങളില്‍ وإن نزل എന്ന് പറയാറാണ് പതിവ്.
പല പ്രമുഖ കിതാബുകളിലും അവകാശികളെ 25 പേരെയാണ് പറഞ്ഞിട്ടുള്ളത്. മകന്‍റെ മകന്‍റെ മകനെ, മകന്‍റെ മകന്‍റെ കൂടെ وإن نزل എന്നും മകന്‍റെ മകന്‍റെ മകളെ, മകന്‍റെ മകളുടെ കൂടെ وإن نزلت എന്നും പറഞ്ഞിരിക്കുകയാണ്.
ഈ സോഫ്റ്റ്‍വെയറില്‍ അവര്‍ക്ക് പ്രത്യേകം ബട്ടണ്‍ നല്‍കാന്‍ കാരണം മകളുടെ കൂടെ ഒരേ സമയം ചില സന്ദര്‍ഭങ്ങളില്‍ മകന്‍റെ മകള്‍, മകന്‍റെ മകന്‍റെ മകള്‍ എന്നിവര്‍ക്കും അവകാശം ലഭിക്കുന്നുണ്ട്. അതുകൊണ്ട് അവര്‍ക്ക് പ്രത്യേകം ബട്ടണ്‍ നല്‍കേണ്ടതായി വന്നു. ഉദാഹരണമായി ഒരു മകള്‍, ഒരു മകന്‍റെ മകള്‍, ഒരു മകന്‍റെ മകന്‍റെ മകന്, ഒരു മകന്‍റെ മകന്‍റെ മകള്‍ എന്നിവര്‍ അവകാശികളായി വന്നാല്‍ മകള്‍ക്ക് പകുതി, മകന്‍റെ മകള്‍ക്ക് 1/6, ബാക്കിയുള്ള 1/3 നെ മകന്‍റെ മകന്‍റെ മകന്, മകന്‍റെ മകന്‍റെ മകള്‍ എന്നിവര്‍ക്ക് ആണിന് പെണ്ണിന്‍റെ ഇരട്ടി എന്ന രീതിയില്‍ എടുക്കും. എന്നാല്‍ മേല്‍ പറഞ്ഞ സഹോദര പുത്രന്‍ മുതല്‍ക്കുള്ളവര്‍ക്ക് ഇങ്ങനെ അവസ്ഥയില്ല.
Sight Updating......
0 comments:
Post a Comment